دۆناڵد تره‌مپ واده‌ی ئه‌نجامدانی خۆپیشاندانێكی گه‌وره‌ی ڕاگه‌یاند
دۆناڵد تره‌مپ دره‌نگانی شه‌وی رابردوو ، له تویتێكدا ڕایگه‌یاند: كاتژمێر 11:00ی پێش نیوه‌ڕۆی رۆژی چوارشه‌ممه 6ی كانوونی دووه‌می 2021 له واشنتن دی سی خۆپیشاندانی گه‌وره ئه‌نجامده‌ده‌ن.
له كۆتایی تویته‌كه‌یدا تره‌مپ نوسیویه‌تی، “دزییه‌كان بووه‌ستێنن” ئه‌وه‌ش به‌واتای دزینی ده‌نگه‌كانی تره‌مپ و كۆمارییه‌كان له‌لایه‌ن جۆ بایدنی كاندیدی دیموكراته‌كان.
له هه‌ڵبژاردنی سه‌رۆكایه‌تیی ئه‌مه‌ریكا كه له 3ی تشرینی یه‌كه‌می ساڵی رابردوو به‌ڕێوه‌چوو، جۆ بایدن، كاندیدی دیموكراته‌كان و سه‌رۆكی هه‌ڵبژێردراوی ئێستای ئه‌مریكا به‌سه‌ر دۆناڵد تره‌مپ، كاندیدی كۆمارییه‌كان سه‌ركه‌وت.
