کۆنگرەی ئەمریکا بۆ یەکەمجاربڕیاری ” ڤیتۆ” ی ترەمپی پووچەڵ کردەوە
ئاسۆشیتێدپرێس ئاشکرای دەکات ، کۆنگرەی ئەمریکا بۆ یەکمجار لە سەردەمی دەسەڵاتی دۆناڵد ترەمپ وەک سەرۆک کۆماری ئەمریکا ، ڤیتۆیەکی پووچەڵ کردەوە
لە یەکەم رۆژی سەری ساڵی 2021 لە کۆبوونەوەی رۆژی هەینی ، سیناتی ئەمریکا کە لە زۆرینەی کۆماریخوازەکانی سەر بە حزبەکەی ترمپ پێک هاتووە ، ڤیتۆی ترەمپی سەبارەت بە بوددجەی 740 ملیارد دۆلاری خستە دەنگدانەوە .
81 سیناتۆر بە دەنگی بەڵی وڵامیان داوەو 13 سیناتۆریش بە نەخێر بەشداریان تێدا کرد .
پێشتریش 322 نوێنەر دەنگیان دابوو بە پووچەڵ کردنەوەی ڤیتۆی ترەمپ و 87 نوێنەریش پشتیوانیان کردبوو ، هەر بۆیەش لە دوو دەنگدان دا ، توانیان بڕیاری ڤیتۆی سەرۆک کۆماری ئەمریکا پووچەڵ کەنەوە
ش ، ب
