جه‌واد زه‌ریف: ته‌نها خه‌می ئه‌وه‌مه كه ئه‌تۆمی دراوه‌ته ده‌ستی دۆنالد تره‌مپ جیهان له ژێر مه‌ترسیدایه
دوای ئه‌وه‌ی دۆنالد تره‌مپ سه‌رۆكی ئه‌مریكا رایگه‌یاند كه ئه‌نجامه‌كانی هه‌ڵبژاردن قبول ناكات و داوای له لایه‌نگرانی بكات هه‌لبكوتنه سه‌ر بینای كۆنگرێس كه رووداوێكی مێژووی بوو، خه‌لكی ئه‌مریكای و وڵاتانی جیهانی تووشی شۆككرد، وه‌زیری ده‌ره‌وه‌ی ئێران رایگه‌یاند كه ته‌نها خه‌می ئه‌وه‌مه ئه‌تۆمیان داوه‌ته ده‌ست دۆنالد تره‌مپ.
محه‌مه‌د جه‌واد زه‌ریف وه‌زیری ده‌ره‌وه‌ی ئێران له پێگه‌ی تایبه‌تی خۆی لە تۆڕی کۆمەڵایەتیی تویتەر له توویتێكدا رایگه‌یاندووه ، “لە خەمی ئەوەدام ئەتۆمیان خستووەتە دەستی ئەم پیاوە.. ئەمەش نیگەرانییەکی ئەمنییە بۆ تەواوی کۆمەڵگەی نێودەوڵەتی”.
ئه‌مه له كاتێكدایه كه ئه‌مڕۆ ئەنجوومەنی نوێنەران و پیرانی ئەمریکا ئەنجامی هەڵبژاردنەکانیان بە سەرۆکایەتیی مایک پێنس پەسندکرد، جۆ بایدن بە فەرمی وەکو 47هەمین سەرۆکی ئەمریکا دەستنیشانکرا و بڕیارە 20ی کانوونی دووەمی 2021 دەستبەکاربێت.
