بەرپرسی یاسایی لە دەزگای ھەڵبژاردن: پارتی وەك قەوارەی سیاسی خۆی لە كۆمسیۆن تۆمار دەكات
بەرپرسی بەشی یاسایی لە دەزگای ھەڵبژاردنی پارتی رایدەگەیەنێت، بەم نزیکانە ناوی حزبەکەیان بۆ بەشداریکردن لە ھەڵبژاردنی پێش وەختەی پەرلەمانی عێراق، تۆمار دەکەن و ناوی کاندیدەکانیش رادەستی کۆمیسیۆن دەکەن.
ھاوار محەمەد، بەرپرسی یاسایی لە دەزگای ھەڵبژاردنی پارتی، بە ماڵپەڕی فەرمیی پارتی دیموكراتی كوردستانی راگەیاندووە: بەپێی بڕیاری كۆمسیۆنی باڵای ھەڵبژاردنەكانی عێراق، ئه‌مرۆ 9 ى 1 ى 2021، تۆماركردنی قەوارەكان بۆ بەشداریكردن لە ھەڵبژاردنی داھاتووی عێراق دەست پێدەكات ، وتیشی: ئێمه‌ش وەك پارتی دیموكراتی كوردستان بڕیارمان داوە لە ماوەی یاساییدا خۆمان لە كۆمسیۆن تۆمار بكەین بۆ بەشداریكردن لە ھەڵبژاردنی ئەمساڵدا.
هاوار محەمەد هەروەها رایگەیاندووە، لە وادەی دەستنیشانکراودا ناوی پارتی لە کۆمسیۆن تۆمار دەکەن و ناوی کاندیدەکانیشیان پێشکەش دەکەن.
ئەو بەرپرسەی دەزگای هەڵبژاردنی پارتی ئاماژەی بەوەش دا، کە حزبەکەی لەسەر ئاستی سەرکردایەتی، پرسی بەشداریکردنی ئەو حزبە لە هەڵبژاردن تاوتوێ دەکات و دوای تەواوبوونی کۆبوونەوەکان، دەست بە هەنگاوە کردییەکان بۆ خۆتۆمارکردن، دەکەن.
