فڕۆكه‌یه‌كی عەمرەكارانی عێراقی له سعوودیه ئاگری تێبه‌ربوو
خواكوڕك
بەمەبەستی گەیاندنی عەمرەكاران بۆ وڵاتی سعوویا, فڕۆكه‌یه‌كی عێراقی له كاتی نیشتنه‌وه‌ی له فڕۆكه‌خانه‌ی (شا عه‌بدولعه‌زیز) له شاری جه‌ده له سعوودیه، ئاگری تێبه‌ربوو.
میدیاكانی سعوودیه و عێراق بڵاویان كرده‌وه، ئه‌مڕۆ فرۆكه‌یه‌كی عێراقی له كاتی نیشتنه‌وه‌یدا له فڕۆكه‌خانه‌یه‌كی شاری جه‌ده، ئاگرێك له ناو فڕۆكه‌یه‌كی هێڵی ئاسمانی عێراقی كه‌وته‌وه.
كارمه‌ندانی فڕۆكه‌كه به په‌له 356 سه‌رنشین و ستافی فڕۆكه‌كه‌یان ڕزگاركرد و توانییان ئاگره‌كه‌ش كۆنترۆڵ بكه‌ن، به‌پێی زانیارییه‌كانیش ڕووداوه‌كه زیانی گیانی به‌دواوه نه‌بوو.
سه‌رنشینه‌كانی فڕۆكه عێراقییه‌كه، عۆمره‌كاران بوون و هۆكاری ئاگره‌كه‌ش كێشه‌ی ته‌كنیكی بووه له ستۆپی فڕۆكه‌كه.
