موقتەدا سەدر : مەرجی هەیە بۆ پشتیوانى لە دواخستنى هەڵبژاردنى پێشوەختەی عێراق
موقتەدا سەدر رێبەری رەوتی سەدر دواخستتى هەڵبژاردنى پێشوەخت رەتناکاتەوە بەڵام مەرجى هەیە بۆ پشتیوانیکردنى.
موقتەدا سەدر، رێبەری رەوتی سەدر لە نوسینێکدا کە لە تۆڕى کۆمەڵایەتى تویتەر بڵاویکردوەتەوە رایگەیاندوە، هیوادارین پێشنیارەکەی کۆمسیۆن بۆ دواخستنی هەڵبژاردن، پێشنیارێکی پیشەیی بێت بۆ تەواوکردنى ئامادەکاریەکان و بەڕێوەبردنی هەڵبژاردنێکی پاک و بێگەرد و قبوڵکراو، لەو حاڵەتەدا پشتیوانى لێدەکەین، بەپێچەوانەشەوە هەڵویستى توندمان دەبێت
ئاماژەی بەوەشکردوە، هیوادارین کۆمسیۆن دوربێت لەدەستێوەردانی سیاسی و مەزهەبی و تائیفى.
لەبەشێکى دیکەى نوسینەکەیدا موقتەدا سەدر هیواى خواستووە ئەمە دواجار بێت کە ئەوهەڵبژاردنە دوابخرێت کەحکومەت بەڵێنى داوە ئەنجامى بدات بۆ کۆتایى هێنان بە گەندەڵى و ستەم و داگیرکارى.
