سائیرون ڕەخنە لە پەرلەمان دەگرێت
كوتلەی سائیرون دەڵێت ئەو ترسەی ئێستا لە دواخستنی هەڵبژاردنەکان هەیە ئامانجدارەو پەرلەمانیش دەتوانێت لە ماوەی تەنها دوو کاتژمێردا هەمواری یاسای دادگای فیدراڵی دەربکات.
لە راگەیانراوەکەی سائیرون هاتووە:”یاسای دادگای فیدراڵی بەهۆی نەگونجانەوە ڕاگیراوە، لەوێ خوێندنەوەی بۆ کراوە و ئەوەی ماوە تەنها دەنگدانە و پەرلەمان دەتوانێت تەنها لە دوو کاتژمێردا تێپەڕی بكات”.
ھاوكات ھاتووە ” ئێمە سەرسام بووین بەبڕیاری دواخستنی هەڵبژاردنەکان دوای ئەوەی کۆمیسیۆن تەئکیدی کردەوە کە دەکرێت لەوادەی خۆیدا بەبێ کێشەی تەکنیکی ئەنجام بدریت و هیوادارین هیچ دواخستنێکی زیاتر ڕوونەدا”.
سەرچاوە : ئەلعەرەبیە
