وەزارەتی پێشمەرگە لە رێگای پێنج لیژنە کار لەسەر چاکسازی دەکرێت
![](https://xwakurk.com/wp-content/uploads/2021/01/qalb-60.jpg)
دوای ئەوەی حکومەتی هەرێمی کورستان رایگەیاند کە لە چەند سێکتەرێک پرۆسەی چاکسازی دەست پێکردووەو جێگری سوپاسالاری پێشمەرگە بۆ ئۆپەراسیۆنەكان لە وەزارەتی پێشمەرگەش دەڵێت: پرۆسەی چاكسازی بەردەوامە و پێنج لیژنە كار لەسەر چاكسازییەكان دەكەن و بەردەوام دەبن تا كۆتایی پێدێت.
لیوا قارەمان جێگری سوپاسالاری پێشمەرگە بۆ ئۆپەراسیۆنەكان لە وەزارەتی پێشمەرگە بە ماڵپەڕی فەرمی پارتی راگەیاندووە: پێنج لیژنە لە وەزارەتی پێشمەرگە پێكهێندراون و كار بۆ ئەنجامدانی پرۆسەی چاكسازی دەكەن، هەر لیژنەیەك لەوانە لە بوارێكدا كار دەكات و بەردەوامن لە كاركردن
هەروەها جێگری سوپاسالاری پێشمەرگە بۆ ئۆپەراسیۆنەكان لە وەزارەتی پێشمەرگە راشیگەیاندووە : لیژنەكان لە ئەنجامدانی چاكسازی لە هەمو بوارەكاندا هەنگاوی باشیان ناوە و بەردەوامیش دەبن تا چاكسازی لە سەرجەم بوارەكان بە تەواوی ئەنجام دەدەن و كارەكانی خۆیان تەواو دەكەن.
جێگری سوپاسالاری پێشمەرگە ئاماژەی بۆ ئەوەشكردوە: ئەو لیژنانە لە هەمو سێكتەر و بوارەكاندا چاكسازی ئەنجام دەدەن، ئەمەش لە چوارچێوەی یاسای چاكسازیدایە.