جۆ بایدن : فرۆشتنى چەك و فڕۆکەى جەنگى بە چەندین وڵات هەڵدەپەسێرێت
وەزارەتى دەرەوەى ئەمەریکا راێدەگەیەنێت؛ چەندین رێککەوتنى فرۆشتنى چەک و فڕۆکەى سەربازى هەڵدەپەسێرین، دەشڵێت: وەک ئیدارەى نوێ وردبینى لە ناوەڕۆکى رێککەتنەکان بکەین.
میدیاکانى ئەمەریکا لەزارى بەرپرسیکى وەزارەتى دەرەوەى ئەمەریکا بڵاویانکردەوە، بە فەرمانى جۆ بایدن سەرۆکى ئەمەریکا، بڕیاردراوە سەرجەم رێککەوتنەکانى تایبەت بە فرۆشتنى چەک و فڕۆکەى (ئێف 35)ى جەنگى کە لەسەردەمى ئیدارەى ترەمپ لەگەڵ چەندین وڵات ئەنجامدراون، هەڵپەسێرێت.
ئەوە لە کاتێکدایە، بڕیارى هەڵپەساردنى ریککەوتنە سەربازییەکان فرۆشتنى فڕۆکەى (ئێف 35)ى سەربازیش دەگرێتەوە بۆ وڵاتانى ئیمارات و سعودیە و چەندین وڵاتى دیکە.
