مەسرور بارزانی پەیامێکی هاوخەمی بۆ بنەماڵەی عیزەت سلێمان بەگ دەرگەڵەیی دەنێريت

بۆ بنەماڵەی کەسایەتیی نیشتمانپەروەری کوردستان عیزەت سلێمان بەگ دەرگەڵەیی

بە داخێکی زۆرەوە هەواڵی کۆچی دوایی کەسایەتیی نیشتمانپەروەر و پێشمەرگە و خەباتگێڕی ناسراوی کوردستان (عیزەت سلێمان بەگ دەرگەڵەیی)م بیست، کە ڕۆڵێکی دیارو گرنگیی لە بزووتنەوەی ڕزگاریخوازی گەلی کوردستاندا هەبووە و هەموو تەمەنی خۆی بەخشییە شۆڕشەکانی کوردستان . پرسە و سەرەخۆشی لە بنەماڵە تێکۆشەرەکەی دەکەم و ھاوبەشی خەمیانم. خوای مەزن گیانی بە بەهەشت شاد بکات و ئارامیی و دڵنەواییش بە کەسوکارو ھەڤاڵانی ببەخشێت.

مەسرور بارزانی
سەرۆکی حکومەتی هەرێمی کوردستان