رووسەکان سەرۆک بارزانی بە پاڵەوانێکی نەتەوەیی دەزانن
دەنیس كۆركادینۆڤ لێکۆلەری رووسی لە لێدوانێکدا بۆ ماڵپەڕی فەرمی پارتی دیموکراتی کوردستان ، سەرۆک بارزانی وەک کاریزمایەک ناو دەبات و ڕای وایە تەنها سەرۆک بارزانی کار بە یەکێتی کورد دەکات ، هەر ئەویش دەتوانێت مافی کورد لە بەغدا داو بکات .
كۆركادینۆڤ ئاماژە بەوە دەکات ، كوردان دەرفەتی باشیان لە بەردەمدا ماوە بۆ داواكردنی مافەكانیان، كە بێگومان ڕۆڵی سەرۆك بارزانی لەم دەرفەتەدا گەورەیە و لەم كارەشدا وەك قارەمانێكی نەتەوەی دەبینرێ و دەبێتە نموونەیەك بۆ نەوەكانی داهاتووی كورد، بۆ ئەوەی داوای مافەكانیان بكەن.
سەبارەت بە کردار و پلانی سەرۆک بارزانی ئەو لێکۆلەرە رووسە ئاماژە بەوە دەکات ، سەرۆك بارزانی كاری گەورەی كردووە بۆ یەكێتیی كوردان، بۆ ئەوەی كورد هەموو یەكگرتوو و یەكدەنگ بن و پارێزراو بن.
لە بەشێکی دیکە قسەکانیدا دەنیس دەڵێ، پێشمەرگە هێزێکی سەربازی هەرێمی كوردستانە لە چوارچێوەی هێزە سەربازییەكانی عێراقدا و، ڕۆڵیكی گەورەیان گێڕاوە لە تێكشكانی داعشدا، كە پێشمەرگە هێزێكی رێكخراو و ئەمنییە بۆ پاراستنی خاكی كوردستان و عێراق و ناوچەكە و زۆر چالاكیی دژی تیرۆر هەبووە.
لە کۆتاییدا روونیشی دەکاتەوە ، پێشمەرگە بەرگری لە مرۆڤایەتی كرد و توانی هێزەكانی دژی مرۆڤایەتی تێك بشكێنیت و نەیانهێشت مرۆڤایەتی لە ناوچەكە بشكێت، نەك وەك هێزەكانی تر، كە دەیانەویست بۆ چەند بڕەپارەیەك شەڕ بكەن، بۆیە پێشمەرگە رۆڵی دیار و جێگای رێزە.
