وەزیری تەندروستی: چین ژمارهیهك ڤاکسینی کۆرۆنا بۆ هەرێمی کوردستان دەنێرێت
![](https://xwakurk.com/wp-content/uploads/2020/12/qalb-109.jpg)
وەزیری تەندروستیی حكوومهتى ههرێمى كوردستان ڕاى دهگهیهنێت، پێنج هەزار ژەمی ڤاکسینی پهتاى کۆرۆنا دەگاتە هەرێمی کوردستان.
د. سامان بەرزنجی، وەزیری تەندروستی حكوومەتی هەرێمی کوردستان ڕاگهیاند: وەکوو دەستپێشخەرییەک، چین ڤاکسینی کۆرۆنا بێ بەرامبەر و بە بەخشین پێشکەش بە هەرێمی کوردستان دەکات.
گوتیشی: پێنج هەزار ژەمی ڤاکسینی کۆرۆناى جۆری چینی (Sinopharm) دەدرێتە هەرێمی کوردستان.
وەزیری تەندروستی ئاماژەی بەوەش دا، بەم نزیکانە دەست بە ڕێکارەکانی گواستنەوەی ڤاکسینەکە بۆ هەرێمی کوردستان دهكرێ، گوتیشی: ئەو پێنج هەزار ڤاکسینە بەشی دوو ههزار و 500 کەس دەکات، هەر كهسێك پێویستە دوو ژەمی ڤاکسین وەربگرێت.
د. سامان بەرزنجی ئەوەشی خستە ڕوو، ڤاکسینی سینۆفارمی چینی لە عێراقدا پەسند کراوە، بۆیە ئێمه وەریدەگرین و بەکاری دەهێنین.