فوئاد حوسێن : گفتووگۆ له نێوان شاندی هه‌ولێر و به‌غدا به‌رده‌وامه.
فوئاد حوسێن وه‌زیری ده‌ره‌وه‌ی عێراق رایگەیاند، پڕۆژه یاسای بودجه‌ی ساڵی 2021 بۆ حكومه‌تی عێراق گه‌ڕێندراوه‌ته‌وه و ، گفتوگۆش له نێوان شاندی هه‌ولێر و به‌غدا به‌رده‌وامه.
وه‌زیری ده‌ره‌وه‌ی عێراق له لێدوانێكدا له باره‌ی گفتوگۆكانی پڕۆژه‌ی یاسای بودجه‌ی عێراق و جێگیركردنی پشكی هه‌رێم گوتی: بودجه‌كه بۆ حكومه‌ت گه‌ڕێندراوه‌ته‌وه و گفتوگۆش له نێوان هه‌ولێر و به‌غدا به‌رده‌وامه.
له باره‌ی نمایشی میلیشیاكانیش له به‌غدا، فوئاد حوسێن رایگەیاند: سیاسه‌تی حكومه‌تی عێراق ئه‌وه‌یه، كه ده‌بێت چه‌ك له‌ده‌ست ده‌وڵه‌ت بێت.
له باره‌ی هه‌ڵبژاردنه‌كانیشه‌وه گوتی: نامه‌یه‌كمان ئاراسته‌ی نه‌ته‌وه‌یه‌كگرتووه‌كان كردووه، بۆ چاودێریكردنی هه‌ڵبژاردنه‌كان.
