خاچی سووری نێودەوڵەتی چاكسازییەكانی حكوومەتی هەرێمی كوردستان بەرز دەنرخێنێت

سەرۆکی حكومەتی هەرێمی کوردستان پێشوازی لە شاندێکی خاچی سووری نێودەوڵەتی کرد و، شاندەکە هەوڵە چاکسازییەکانی حکومەتی هەرێمی لە زیندان و چاکسازییەکان بەرز نرخاند.

ئەمڕۆ یەکشەممە، مەسرور بارزانی سەرۆکی حکومەتی هەرێمی کوردستان پێشوازی لە شاندێکی خاچی سووری نێودەوڵەتی کرد بەسەرۆکایەتی ژان ژیرۆم، بەرپرسی رێکخراوەکە لە عێراق.

لە دیدارەکەدا چالاکییە مرۆییەکانی ڕێکخراوەکە و پلان و بەرنامەکانیان لە عێراق و هەرێمی کوردستان تاووتوێ کرا.

شاندی خاچی سووری نێودەوڵەتی، سوپاسی هاوکاری و هەماهەنگیی نێوان ڕێکخراوەکە و دامودەزگاکانی حکومەتی هەرێمی کوردستانيان کرد بەتایبەتی هێزەکانی ناوخۆ و ئاسایش و پۆلیس. هەروەها هەوڵە چاکسازییەکانی حکومەتی هەرێمیان، لە زیندانیی و چاکسازییەکاندا بەرز نرخاند.

سەرۆکی حکومەتی هەرێمی کوردستان ، ستایشی کارو چالاکییە مرۆییەکانی خاچی سووری نێودەوڵەتی کرد کە بە شێوەیەکی بێلایەنانە و پیشەییانە، کارەکانیان ئەنجام دەدەن و هیوای سەرکەوتنی بۆ خواستن و پشتیوانیی حکومەتی هەرێمی کوردستانیشی بۆ سەرخستنی کارەکانیان ، دووپات کردەوە .