كۆرۆنا عێراق شپرزە دەكاتەوە

لیژنەی تەندروستی و ژینگەی پەرلەمان ڕۆژی یەکشەممە وردەکاری ئەو بڕیارانەی کۆمیسیۆنی باڵای تەندروستی و سەلامەتی عێراق لەسەر زانکۆ و قوتابخانەو چێشتخانە و هۆڵەکان و ئەوانی تر دەریانکرد ڕاگەیاند. هاوکات هۆکاری سەرهەڵدانی شەپۆلی دووەمی پەتای کۆرۆناڤایرۆسی لەو وڵاتەدا دەدایە پاڵ پابەند نەبوونی حكومەتی عێراق و ھاوڵاتیان بە ڕێنماییە تەندروستیەكان.

سەلمان غرێبی، ئەندامی لیژنەکە لە بەیاننامەیەکدا ڕایگەیاند:”ئەو بڕیارانەی کە لەلایەن لیژنەی باڵای تەندروستی و سەلامەتی نیشتیمانیەوە دەرکراون، بۆ ماوەی دوو هەفتەیەو بڕیارێكی کاتییە”

ئه‌و په‌رله‌مانتاره‌ى ليژنه‌ى ته‌ندروستى و ژينگه‌ى ئه‌نجوومه‌نى نوێنه‌رانى عێراق گوتیشی:”لیژنەی تەندروستی و ژینگەی پەرلەمان بە نیگەرانییەکی زۆرەوە ده‌ڕوانێته‌ زیادبوونی ژمارەی قوربانییەکانی  ئەم چەند ڕۆژەی دوایدا لە سەرجەم پارێزگاکانی عێراق”