كۆبوونه‌وه‌ی نێوان یه‌كێتی و گۆڕان ده‌ستی پێكرد
خواكوڕك
ئه‌مڕۆ سێشه‌مه 14/2/2017 شاندێكی باڵای هاوبه‌شی سه‌ركردایه‌تی یه‌كێتی و گۆڕان له سلێمانی كۆبوونه‌وه و بڕیاره تاوتوێ چه‌ند پرسێكی نێوانیان و هه‌رێمی كوردستان و ناوچه‌كه بكه‌ن.
به‌پێی زانیاری میدیاكانی یه‌كێتی، له‌كۆبوونه‌وه‌ی ئه‌مڕۆدا یه‌كێتی نیشتمانی كوردستان گفتوگۆ و باسی نێو كۆبوونه‌وه‌ی شه‌مه‌ی رابردووی مه‌كته‌بی سیاسی خۆی بۆ گۆڕان باس ده‌كات و هه‌ڵوێستی خۆیان له‌باره‌ی په‌یوه‌ندی هه‌ردوولا ئاشكرا ده‌كات.
هه‌روه‌ها ئه‌وه‌ش ئاشكرا بووه كه بزووتنه‌وه‌ی گۆڕان ده‌یه‌وێت دوا هه‌ڵێستی یه‌كێتی له‌باره‌ی رێكه‌وتنی سیاسی نێوانیان به‌راشكاوانه باس بكرێت و هه‌روه‌ها رێكه‌وتنی داهاتووی یه‌كێتی له‌كه‌ڵ پارتی بزانێت.
