ئه‌مڕۆ ڕێگای هەولێر، ئیفراز، گۆپاڵ به‌ڕووی شۆفێراندا ده‌كرێته‌وه
بەرێوەبەرایەتی هاتووچۆی هەولێر ئاگادارییەکی لەبارەی کردنەوەی ڕێگای (هەولێر، ئیفراز، گۆپاڵ) بڵاوکردەوە.
فازڵ حاجی، گوتەبێژی هاتوچۆی هەولێر له‌هه‌ژماری تایبه‌ت به‌خۆی له‌تۆری كۆمه‌ڵایه‌تى فه‌یس بووك بڵاوی كرده‌وه: سەرجەم شۆفێران و هاووڵاتییان ئاگادار دەکەینەوە کەوا لەبەر تەواوبونی کارەکانی بیناسازی لەڕێگای (هەولێر، ئیفراز، گۆپاڵ) ئه‌مرۆ سێشه‌ممه 16 ى 2 ى 2021 ،هەروو سایدی ڕێگایەکە دەکرێتەوە بەڕووی شوفێران بۆبەکارهێنانی، بەمەش ئەو ساید گۆڕینەی کە لەڕۆژانی ڕابردوو ڕێگاپێدراوبوو قەدەغە دەکرێت و سایدی چوون بۆ گۆپاڵ دەبێت سایدی چوون بێت بەتەواوی، سایدی هاتنیش بۆ ناو شاری هەولێر سایدی هاتن دەبێت و بەدرێژایی ڕێگاکەش مەفرەزە و کارمەندانی هاتوچۆ بوونیان دەبێت و هەر کەسێکیش سەرپێچی بکات و بەئاراستەی پێچەوانە بڕوات سزا دەدرێت.
