پەیامی سەرەخۆشیی سەرۆك بارزانی بۆ كۆچی دوایی ئارام بالەتەیی
سەرۆك بارزانی بۆ كۆچی دوایی ئارام بالەتەیی پەیامێكى سەرەخۆشیی به‌ڵاوكرده‌وه كه ئه‌مه ده‌قه‌كه‌يه‌تى:
بەناوی خودای مەزن و دلۆڤان
بە داخێكی زۆرەوە هەواڵی كۆچی دوایی دكتۆر ئارام باڵەتەیی و ئەندامی ئەنجوومەنی نوێنەرانی عێراق و گوتەبێژی فڕاكسیۆنی پارتی لە ئەنجوومەنی نوێنەرانی عێراقم بیست. دكتۆر ئارام گەنجێكی خاوەنبڕوا و لێهاتوو و، لە خانەوادەیەكی نیشتیمانپەروەر بوو و، ئەركەكانی دڵسۆزانە بەجێ دەگەیاند.
پرسە وسەرەخۆشیی خۆم ئاراستەی خانەوادە و كەسوكار و هەڤاڵانی خوالێخۆشبوو ئارام بالەتەیی و ئەندامانی فڕاكسیۆنی پارتی دەكەم و خۆم بە هاوبەشی خەمیان دەزانم. لە خودای مەزن داواكارم گیانی خوالێخۆشبوو بە بەهەشتی بەرین شاد بكات و سەبر و ئارامی بە هەموو لایەك ببەخشێت.
انا للە و انا الیە راجعون
مسعود بارزانی
١٧ـی شوباتی ٢٠٢١
