پەرلەمانی ئەوروپا : هێرشی سەر هەولێر هەڕەشەیە بۆ سەقامگیریی ناوچەکە
دۆمێنێک رویز دێڤێسا، بەرپرسی کاربەڕێکەری شاندی پەرلەمانی ئەوروپا بۆ پەیوەندی لەگەڵ عێراق، ئیدانەی هێرشکردنە سەر هەولێر دەکات.
لە راگەیەندراوێکی دۆمێنێک رویز دێڤێسا هاتووە، ئەو جۆرە هێرشە هەڕەشەیە بۆ سەر سەقامگیریی هەرێمی کوردستان و تەواوی ناوچەکە.
هەروەها، نیگەرانی قووڵی خۆی دەربڕیووە بەو گرژییەی لە نێوان هێزەکانی ئەمەریکا و هاوپەیمانەکانی لەگەڵ گروپە یاخییەکان لە عێراق هەیە.
باسی لەوەشکردووە، وڵاتانی ئەوروپی و ئەمەریکا پێشتر بە تووندی ئیدانەی هێرشەکەیان کردووە و بە مەترسی جددی وەسفیان کردووە.
