وەزیرانی دەرەوەی عێراق و سعوودیە له ریاز كۆبوونه‌وه
دوای ئه‌وه‌ی ئه‌مڕۆ فواد حوسێن وه‌زیری ده‌ره‌وه‌ی عێراق به‌سه‌ردانێك گه‌یشته وڵاتی سعودیه لەچوارچێوەی سەردانەکەی بۆ سعوودیە لەگەڵ وەزیری دەرەوەی ئەو وڵاتە، فەیسەڵ بن فەرحان کۆبوویەوە.
گوتەبێژی وەزارەتی دەرەوەی عێراق، ئەحمەد سەحاف لە تویتێکدا ئاماژەی بەوەداوە کە لە کۆبوونەوەکەدا، چۆنیەتی پتەوترکردنی پەیوەندییە دووقۆڵییەکانی نێوان عێراق و سعوودیە لە بواری وەبەرھێنان و ئاڵوگۆڕی بازرگانیی و گەشەپێدان تاوتوێکراوە.
ئەحمەد سەحاف راشیگەیاندووە کە لە میانی کۆبوونەوەکەدا، وەزیرانی دەرەوەی عێراق سەبارەت بە دوایین پێشھاتەکانی رەوشی ھەرێمیی و نێودەوڵەتی و رەنگدانەوەی ئەو پێشھاتانە لەسەر ناوچەکە، گفتوگۆیان کردووە.
