فڕۆکەجه‌نگييه‌کانی تورکیا دوو گوندى سنوورى قه‌زاى ئامێديان بۆردوومانكرد.
فڕۆکەجه‌نگييه‌کانی تورکیا به‌شێوه‌يه‌كى دڕندانه و به‌بيانۆى بوونى باره‌گاكانى په‌كه‌كه گوندی سگێرێی و گوندی برێکیاتێی لە سنووری قەزای ئامێدی بۆردوومان کرد.
سه‌رچاوه‌يه‌ك له سنوورى قه‌زاى ئامێدى تايبه‌ت به ده‌زگاى ميديايى (خواكوڕك)ـى ڕاگه‌ياند:” پاشنيوه‌ڕۆى ئه‌مرۆ سێشه‌ممه، فرۆكه‌جه‌نگييه‌كانى توركيا به بيانۆى بوونى بنكه و باره‌گاكانى چه‌كدارانى په‌كه‌كه به‌شێوه‌يه‌كى دڕندانه گوندى سگيرێ ى ناحيه‌ى دێره‌لۆك و، گوندى بێركات له‌ناحيه‌ى چه‌مانكێ ى سنوورى قه‌زاى ئامێدى بۆردومانكرد.
سه‌رچاوه‌كه گوتيشى : زيانه‌كانى بۆردوومانه‌كه نه‌زانراوه، به‌ڵام به‌شێوه‌يه‌كى گشتى ئه‌و بۆردوومانانه مه‌ترسى و دڵه‌ڕاوكێى لاى خه‌ڵكى سنووره دروست كردووه، به‌تايبه‌ت ئه‌و گوندانه‌ى كه ئاوه‌دانن و، نزيك له‌و شوێنانه‌ى كه بۆردوومان ده‌كرێن.
