چاودێرانى سياسى: ئەوانەی ئەمڕۆ خۆیان بە نوێنەر و سەکردەی دەنگە ئازادەکانی کوردستان دەناسێنن، خۆیان مێژوویەكیان ھەیە لە کوشتنی دەنگە ئازادەكان
چاودێرانى سياسى له وه‌ڵامى ئه‌و كه‌مپينجيانه‌ى كه له شارى سلێمانى ماوه‌يه‌كه ده‌ستيان پێكردووه له دژى بڕيارى دادگا و، سه‌روه‌رى دادگا له هه‌رێمى كوردستان ده‌لێن : ئەوانەی ئەمڕۆ خۆیان بە نوێنەر و سەکردەی دەنگە ئازادەکانی کوردستان دەناسێنن، خۆیان مێژوویەكیان ھەیە لە کوشتنی دەنگە ئازادەكان به بێ ئه‌وه‌ى له رێگاى دادگاوه دۆسيه‌كان يه‌كلايبكرێنه‌وه ئه‌گه‌ر كێشه‌يه‌كيان له‌گه‌ڵيان هه‌بێت.
چاودێرێكى سياسى له شارى سلێمانى ده‌لێت : ” ئەوانەی ئەمڕۆ خۆیان بە نوێنەر و سەکردەی دەنگە ئازادەکانی کوردستان دەناسێنن، خۆیان مێژوویەكیان ھەیە لە کوشتنی دەنگە ئازادە و دژەکانی زۆنەکەیان! چەشنی پابلۆ ئیسکۆبار ھەڵمەتێکیان ڕێکخستووە بەناوی (فیشەك یان پارە)! جا ھەر کەسێك بە گوێ ڕاکێشان ھاتبێتە ژێر بار و بە پارە و بەرتیلەکەیان ڕازی بوبێت، بەسوکی لە ھەڵمەتەکەیان دەرچووه كه ديارن خه‌ريكى چين و چيان بۆ ده‌كه‌ن! ھەر کەسێکیش گوێ ڕاکێشان و ئاگادار کردنەوەکانی بەھەند وەرنەگرتبێت، چارەنوسی وەکو (گۆرانی کڵاوێن و لەیلای کوردسات و بەکر عەلی شاعیر و زانای قایمقام و سۆرانی مامە حەمە و حیمایەکەی مام جەلال و ئامانج بابانی و لانە محه‌مه‌د و كاوه گه‌رميانى و مسته‌فا سه‌ليمى و ئه‌و پێشمه‌رگه قاره‌مانانه‌ى به‌هۆى خيانه‌تى 16 ى ئۆكتۆبه‌ر له ساڵى 2017 شه‌هيد بوون و چه‌ندانى تر ) بووە .”
ده‌شلێت :” ھەندێك جار بۆ تەواوکردنی چالاکیەکەیان کەسانێك دەکەنە قوربانی کە ھیچ پەیوەندی بەبابەتەکەوە نیە! لەوانە (ھانۆ)ـی کوڕی ئامانج بابانی.
چاڵاكوانێكى بوارى مافى مرۆڤيش ده‌لێ : ” ڕۆژنامەنووس کوژ و کورد فرۆشەکه‌كان ئامانجیان لە دژایەتی کردنی دادگا و دادوەر ئەوەیە شتێك بوونی نەمێنێت بەناوی دادگا و دادوەرەوە! ئەوان بڕوایان بە ھێزی چەك ھەیە! دەیانەوێت ھەر کەس لەقسەیان دەرچوو وه بویە سەرئێشە بۆیان، بەدەستی خۆیان بێدەنگیان بکەن! ئەوان دەیانەوێت کەس و لایەنێك نەمێنێت کە ببێتە بەربەست لەبەردەم جاشایەتی و گوێڕایەڵيکردنی ئاغاکانیان بۆيه‌ش ئه‌و هه‌ڵمه‌ته چه‌واشه‌كارييه‌يان له دژى دادگا له هه‌رێمى كوردستان ده‌ست پێكردووه.
ده‌شلێت:” چاڵاكوانانى زونى سه‌وز ناوچه‌گه‌رێتيه‌كى زۆر ده‌كه‌ن ئه‌گه‌ر كه‌سێك له شارى هه‌ولێر ياخود دهۆك تووشى كێشه‌يه‌كى ياسايى ببێت و هه‌رچه‌نده به‌ياسا له‌گه‌ڵيان كراوه له شارى سلێمانى كه‌مپينيان بۆ رێكده‌خه‌ن به‌ڵام ئه‌گه‌ر كه‌سێك له‌شارى سلێمانى بكوژرێت ياخود بريندار بكرێت چاڵاكوانه‌كان بێده‌نگ ده‌بن و هيچ قسه‌يه‌ك ناكه‌ن.
