سەرۆكی هەرێمی كوردستان: هەموو پشتگیرییەكم بۆ ئافرەتانی كوردستان دووپات دەكەمەوە
نێچیرڤان بارزانی، سه‌رۆكی هه‌رێمی كوردستان، لە پەیامێكدا بەبۆنەی 8ی مارس رۆژی جیھانی ئافرەتان رایگەیاند: له تێكۆشانیاندا بۆ رووبه‌ڕووبوونه‌وه‌ى چه‌وسانه‌وه و نایه‌كسانى و نادادوه‌رى، هه‌موو پشتگیرییه‌كم بۆ ئافره‌تانى كوردستان دووپات ده‌كه‌مه‌وه.
ئه‌مرۆ دووشه‌ممه 8ى 3ى 2021، نێچیرڤان بارزانی، سەرۆکی هەرێمی کوردستان پەیامێکی پیرۆزبایی لەهه‌ژماری تایبه‌ت به‌خۆی له تویتەر بڵاوکردەوە و رایدەگەیێنێت 8ى مارس، رۆژى جیهانیى ئافره‌تان به گه‌رمى له هه‌موو ئافره‌تانی كوردستان، عێراق و جیهان پیرۆز ده‌كه‌م. له تێكۆشانیاندا بۆ رووبه‌ڕووبوونه‌وه‌ى چه‌وسانه‌وه و نایه‌كسانى و نادادوه‌رى، هه‌موو پشتگیرییه‌كم بۆ ئافره‌تانى كوردستان دووپات ده‌كه‌مه‌وه، هیواى سه‌ركه‌وتنیان بۆ ده‌خوازم.
