له کەرکووک ته‌قینه‌وه‌یه‌ك روویدا و حه‌وت پۆلیس بریندار بوون
لە ئاکامی تەقینەوەی بۆمبێکی چێنراو لە رۆژئاوای پارێزگای کەرکووک باکووری عێراق، حەوت پۆلیسی فیدراڵی برینداربوون.
له‌و باره‌یه‌وه سه‌رچاوه‌یه‌كی ئه‌منی رایگەیاند کە بۆمبێکی چێنراو لە دۆڵی ئەبو خەناجر رۆژئاوای پارێزگای کەرکووک بە کاروانێکی ھێزەکانی پۆلیسی فیدراڵیدا، تەقیوەتەوە. به هۆیه‌وه حەوت پۆلیسی فیدراڵی برینداربوون.
تا ئێستا ھیچ لایەنێک بەرپرسارییەتی خۆی لە ئەنجامدانی تەقینەوەکە رانەگەیاندووە، بەڵام ئەفسەرەکە باسی لەوەکرد کە گومان دەکرێت، تیرۆریستانی داعش، تەقینەوەکەیان ئەنجام دابیت.
