له‌به‌ر ئه‌وه‌ی وێنه‌ی له‌گه‌ڵ كۆسره‌ت ره‌سوڵ گرتووه دژه تیرۆر یه‌كێتی كارمه‌ندێكی ده‌رده‌كات
دوای ئه‌وه‌ی كارمه‌ندێكی سه‌ر به ده‌زگای زانیاری له سنوری پارێزگای هه‌ولێر له نێو مه‌كته‌بی سیاسی یه‌كێتی له هه‌ولێر وێنیه‌ك له‌گه‌ڵ كۆسره‌ت ره‌سوڵ و كوڕه‌كانی ده‌گرێت له كاره‌كه‌ی دوور ده‌خرێته‌وه.
به پێی زانیاریه‌كانی ده‌زگای میدیایی خواكوڕك، دژه تیرۆری یه‌كێتی كارمه‌ندێكی به ناوی دارا عوسمان شێخانی كه لە دایک بووی ساڵی ١٩٨٣یە و نیشتەجێی شاری ھەولێرە و هاوكات فۆتۆگرافەرە لە بەشی ڕاگەیاندنی مەکتەبی سیاسی یەکێتی لە ھەولێر له كاره‌كه‌ی ده‌رده‌كات .
سه‌رچاوه‌ی زانیاریه‌كان ئه‌وه‌شی ئاشكرا كرد كه هۆكاری ده‌ركردنی ئه‌و كارمه‌نده‌ی ده‌زگای زانیاری ته‌نها په‌یوه‌ندی به‌وه وه هه‌یه كه دارا له وێنه‌یه‌كدا له‌گه‌ڵ كۆسره‌ت ره‌سوڵ و كوڕه‌كانی ده‌رده‌كه‌وێت، بۆیه ده‌زگای زانیاری و دژه تیرۆر تۆمه‌تی جاسوسی و گواستنەوەی زانیاری بۆ کوڕەکانی کۆسرەت ڕەسوڵی ده‌ده‌نه پاڵ و له ده‌زگاكه ده‌ری ده‌كه‌ن.
