کەشناسی هەرێم : باران بارین دەستپێدەکان
بەڕێوەبەرایەتی گشتی کەشناسی و بوومەلەرزەزانی ھەرێمی کوردستان، پێشبینییەکانی کەشوھەوای 48 کاتژمێری داھاتووی بڵاو کردەوە و تێیدا ئاماژە بەوە دراوە، ئەمڕۆ له هه‌ولێر و سلێمانى ئاسمان له‌نێوان ساماڵ و په‌ڵه‌هه‌ور ده‌بێت، هه‌ندێك كاتیش نیمچه‌هه‌ور ده‌بێت، له دهۆك و كه‌ركووكیش ئاسمان نیمچه‌هه‌ور ده‌بێت، له هه‌ندێك كاتیشدا هه‌ورى ته‌واو ده‌بێت.
کەشناسیی ھەرێمی کوردستان ئەوەشی خستووەتە ڕوو کە سبەی پێنجشه‌ممه ، له هه‌ولێر، سلێمانى و كه‌ركووك ئاسمان نیمچه‌هه‌ور ده‌بێت، له سلێمانى و كه‌ركووك له هه‌ندێك كاتدا ئاسمان بۆ هه‌ورى ته‌واو ده‌گۆڕێت، له هه‌ولێر و كه‌ركووكیش ڕێژه‌ى تۆزوخۆڵ كه‌مێك به‌رز ده‌بێته‌وه، له دهۆكیش ئاسمان هه‌ورى ته‌واو ده‌بێت، له سلێمانى ئه‌گه‌رى بارینى نمه‌باران هه‌یه، له دهۆكیش ئه‌گه‌رى بارانبارین هه‌یه.
