ئاوى هه‌ولێر:هاووڵاتیان دڵنیا دەکەینەوە کە ئاوی هەولێر هیچ گرفتێکی نییە و زۆر پاکە
بەرپرسی هۆبەی تاقیگەی به‌رێوه‌به‌رايه‌تيى ئاوی شارى هەولێر، لە پاكیی ئاوی ماڵان هاووڵاتییانی شارەكەی له رێگاى ڕوونكردنه‌وه‌يه‌ك دڵنياده‌كاته‌وه و ده‌لێت: هاووڵاتیانی خۆشەویست دڵنیا دەکەینەوە کە ئاوی شارە خۆشەویستەکەمان هەولێر هیچ گرفتێکی نییە و زۆر پاکە لە ڕووی زانستییەوە و باشتریشە لە ئاوی کانزایی کە ڕۆژانە زۆرینەی خەڵکی بەکاری دەهێنن.
له روونكردنه‌وه‌يه‌كدا كه هێرش عەبدوڵڵا،بەرپرسی هۆبەی تاقیگەی ئاوی هەولێر به‌ڵاويكردۆته‌وه تێدا هاتووه :” ماوەیەکی زۆره چەند كۆمپانیایەک به ناوی ئەوەی گوايه ئاوی ماڵان پيسه، تێستی ئاوەکان دەکەن به شێوەیەکی چەواشەکاری بەڵام ئێمە وەک تاقيگەی ئاوی هەولێر ئەو ڕەتدەکەینەوە کە توانەوەی یەکێک لەو دوو جەمسەرەی کە لەناو ئاوەکە دادەنرێت، بە هۆی روودانی كارلێکی كيمیکی لەگەڵ خوێیەکە دەبێتە دروستبوونی هایدرۆکسیدی ئاسن، بەهۆی ئەوەش ڕەنگی ئاوەکە زەرد دەبێ چونکە یەکێک لە جەمسەرەکان لە ئاسن دروست کراوە بۆیە لە ئاوەکە گۆڕانکاری بەسەردێ و لەگەڵ خوێیەکە دەست بە توانەوە دەکات و ڕەنگی ئاوەکە دەگۆڕێت، بەڵام جەمسەری دووەم لە ئەلەمنیۆم دروستکراوە هیچ گۆڕانێکی بەسەردا نایەت، “
به‌رپرسى هۆبه‌ى تاقيگه‌ى ئاوى هه‌ولێر ده‌شلێت :” لێرە هاووڵاتیانی خۆشەویست دڵنیا دەکەینەوە کە ئاوی شارە خۆشەویستەکەمان هەولێر هیچ گرفتێکی نییە و زۆر پاکە لە ڕووی زانستییەوە و باشتریشە لە ئاوی کانزایی کە ڕۆژانە زۆرینەی خەڵکی بەکاری دەهێنن.
هه‌روه‌ها له روونكردنه‌وه‌كه تێبینییەکی گرنگيشى به‌ڵاوكردۆته‌وه و ده‌لێ:” ئەوەی باسمان کرد لەم ئاوەی کە تایبەتە بە کۆمپانیاکە، کاتێک کە ئاوەکەی خۆیان تێست دەکەن هیچ گۆڕانێک ڕوونادات چونکە ئاوەکەی خۆیان هەموو جۆرە خوێیەکی لێ داماڵراوە بۆ ئەوەی ڕەنگی نەگۆڕێت و فێڵ لە هاووڵاتیان بکەن.
