جوڵەی ھێزەكانی ئەمریكا بەردەوامە
![](https://xwakurk.com/wp-content/uploads/2021/03/٢٠٢١٠٣١٤_١٢٠٠٠٥.jpg)
lسەرچاوەیەک لە ئاسایشی عێراق ڕایگەیاند، دەیان ئۆتۆمبێلی زرێپۆشی ئەمریکا بەرەو باکوری سوریا بە تایبەت ناوچەی حەسەکە بە ئاراستەی باکوری سوریا دەجوڵێن، کە پاڵپشتی لۆجستیکییان هەیە.
سەرچاوەکە وتیشی:”زیاتر لە 40 هەمەر و زرێپۆش لە هەولێرەوە لە ڕێگای مەرزی سێمیلكاوە ڕۆشتون و دوێنێ چوونەتە ناو خاکی سوریا، کە کەرەستە و چەکی پاڵپشتی لۆجستیکییان هەڵگرتووە”.
وتیشی:”ماوەی سێ ڕۆژە جموجۆڵێکی نائاسایی هێزەکانی ئەمریکا لەسەر سنوری نێوان سوریا و عێراق لە هەرێمی کوردستانەوە هەیە، لە کاتێکدا کە هێزی ئاسمانی ئەمریکا ڕۆژانە ڕووپێوی گوندەکانی سنوری سنوردەکات”.
لە بەیاننامەیەکی پێشتردا ، جێگری سەرۆکی بەرەی عەرەبی لە کەرکوک نازم ئەلشمەری ، داوای سنووردارکردنی جموجۆڵی هێزەکانی ئەمریکا لە هەرێمی کوردستان و بەستنەوەیان بە ڕەزامەندی حکومەتی فیدراڵەوە کرد.
سەرچاوە : مەعلومە