بوومه له‌رزه‌یه‌كی به‌هێز روویدا
دوای ئه‌وه‌ی مانگی رابردوو بوومه‌له‌رزه‌یه‌ك چه‌ند ناوچه‌یه‌كی ئێرانی هه‌ژاند كه‌مێك له‌مه‌و به‌ر بوومه‌له‌رزه‌یه‌ك به گوڕی 5 پله به‌گوێره‌ی پێوه‌ری رێخته‌ر پارێزگای كرمانی باشووری رۆژهه‌ڵاتی ئێرانی هه‌ژاند و بوومه‌له‌رزه‌كه هیچ زیانێكی گیانی و ماددی نه‌بووه.
ناوه‌ندی چاودێری بومه‌له‌رزه‌ی سه‌ر به دامه‌زراوه‌ی جیۆفیزیایی له زانكۆی تاران رایگه‌یاند، “بومه‌له‌رزه‌یه‌ك به‌گوڕی 5 پله به‌گوێره‌ی پێوه‌ری رێخته‌ر له ناوچه‌ی فاریابی و له خاڵی یه‌كتربڕی نێوان هه‌ریه‌ك له بازنه‌ی پانی 57.02 و هێڵی درێژی 28.16 پله‌ی رۆژهه‌ڵات و له قووڵایی 18 كیلۆمه‌تر له ژێر رووی زه‌وی روویدا“.
هه‌ر له‌وباره‌یه‌وه به‌ڕێوه‌به‌ری جێبه‌جێكار له كۆمه‌ڵه‌ی مانگی سووری ئێرانی له پارێزگای كرمان گوتی: “بومه‌له‌رزه‌كه هیچ زیانێكی گیانی و ماددی به‌دواوه نه‌بوو، چونكه چه‌قه‌كه‌ی له ناوچه‌یه‌كی شاخاوی بووه“.
سه‌رچاوه: فارس نیوز
