به‌به‌شداری ژمارەیەك وەزیر و بەرپرسی حكومەت په‌رله‌مانی كوردستان گفتوگۆ له‌سه‌ر كێشه‌كانی هه‌ڵه‌بجه ده‌كات
ئەمڕۆ سێشه‌ممه ١٦ی ٣ی ٢٠٢١ به‌به‌شداری ژمارەیەك وەزیر و بەرپرسی حکومەتی ھەرێمی کوردستان كۆبوونه‌وه‌یه‌كی تایبه‌ت به گفتوگۆكردن لەسەر کێشەکانی پارێزگای ھەڵەبجه به‌رێوه‌ده‌چێت.
ده‌سته‌ی سه‌رۆكایه‌تی په‌رله‌مانی كوردستان، به‌رنامه‌ی كاری دانیشتنی ئه‌مرۆی بڵاو كرده‌وه به‌م شێوه‌یه:
به‌پێی حوكمی مادده‌ی (5)و بڕگه‌كانی (یه‌كه‌م و دووەم و سێیەم) له‌مادده‌ی (16)و بڕگه‌ی (سێیه‌م) له‌مادده‌ی (18)و بڕگه‌كانی (یه‌كه‌م و دووه‌م و سێیه‌م و چواره‌م و پێنجه‌م) له‌مادده‌ی (20)و مادده‌كانی (47، 48، 52، 54، 55، 56، 57) له‌په‌یڕه‌وی ناوخۆی په‌رله‌مانی كوردستان-عێراق، ده‌سته‌ی سه‌رۆكایه‌تیی په‌رله‌مان بڕیاریدا به‌رنامه‌ی كاری دانیشتنی ژماره (4)ی ئاسایی خولی بەهارەی ساڵی سێیەم له خولی پێنجه‌می هه‌ڵبژاردنی په‌رله‌مان له‌كاتژمێر (11)ی پێشنیوه‌رۆى ئه‌مرۆ سێشەممە رێكه‌وتی2021/3/16 به‌م شێوه‌یه بێت:
• خستنەڕووی كێشەو گرفتەكانی پارێزگای هەڵەبجە بەمەبەستی چارەسەركردنیان، بەئامادەبوونی لایەنە پەیوەندیدارەكان لەحكومەتی هەرێمی كوردستان-عێراق، بەپێی حوكمی بڕگەی (یەكەم)ی ماددەی (66) لەپەیڕەوی ناوخۆی پەرلەمانی كوردستان.
