نێچیرڤان بارزانى،سه‌رۆكى هه‌رێمى كوردستان: لە دەستدانی د.کەمال مەزهەر، خەسارەتێکی گەورەیە.
نێچیرڤان بارزانى، سه‌رۆكى هه‌رێمى كوردستان سەرەخۆشى لە بنەماڵەى کەمال مەزهەر دەکات و ده‌لێ:”لە دەستدانی د. کەمال مەزهەر، خەسارەتێکی گەورەیە.
ده‌قى په‌يامى سه‌ره‌خۆشى سه‌رۆكى هه‌رێمى كوردستان:
زۆر بەداخەوە هەواڵی کۆچی دواییی زانا و مێژوونووسی گەورەی کورد پرۆفیسۆر د. کەمال مەزهەرم پێگەیشت.
خوالێخۆشبوو هەموو ژیانی بۆ تۆمارکردن و ڕاستکردنەوەی زانستییانەی مێژووی گەلەکەی تەرخان کرد و لەو ڕێگەیەوە خزمەتێکی مەزنی بە نەتەوە و نیشتمانەکەی کرد و گەنجینەیەکی بەنرخی بۆ بەجێهێشتین.
لە دەستدانی د. کەمال مەزهەر، خەسارەتێکی گەورەیە و بەو بۆنە خەمناکەوە هاوخەمیی خۆمان بۆ بنەماڵە و کەسوکاری بەڕێزیان دەردەبڕین. لە خوای مەزن داواکارم خوالێخۆشبوو بخاتە بەر بەزەیی و میهرەبانیی خۆی و سەبووری و ئارامی بە هەموو لایەک ببەخشێ.
نێچیرڤان بارزانى
سەرۆکى هەرێمى کوردستان
2021/3/16
