ئه‌نجوومه‌نی نوێنه‌ران ده‌نگی له‌سه‌ر هه‌مواری یاسای دادگای ئیتیحادی دا
ئێواره‌ی ئه‌مڕۆ پێنجشه‌ممه، ئه‌نجوومه‌نی نوێنه‌رانی عێراق بۆ ده‌نگدان له‌سه‌ر پرۆژه یاسای دادگه‌ی فیدڕاڵی كۆبووه‌وه و به ده‌نگی 205 په‌رله‌مانتار پرۆژه یاساكه په‌سندكرا.
ئێوارەی ئەمڕۆ پێنجشەممە 18ی3ی2021، ئەنجوومەنی نوێنەرانی عێراق بە ئامادەبوونی 205 پەرلەمانتار کۆبووەوە و بەهۆی بایكۆتی فراكسیۆنه‌كانی پارتی و هاوپه‌یمانی هیوا و پێكهاته‌كان، و ئامادەنەبوونی بەشێک لە نوێنەران شكستیهێنا له په‌سندكردنی یاسایه‌كی نوێ بۆ دادگای باڵای ئیتیحادی و ناچار به زۆرینه‌ی دەنگی لایەن شیعییەکان و بەشێک لە سوننەکان هه‌مواری یاسا کۆنەکەی دادگای باڵای ئیتیحادی پەسەندکرا.
بڕیاریشه كاتژمێر 1ی دوای نیوه‌ڕۆی سبه‌ی هه‌ینی ئه‌نجوومه‌نی نوێنه‌رانی عێراق بۆ ده‌نگدان له‌سه‌ر پرۆژه یاسای بودجه كۆببێته‌وه.
