شاندى هه‌رێم و لايه‌نه‌شيعه‌كان له‌سه‌ر پشكى هه‌رێم له بودجه‌ى 2021 ى عێراق گه‌يشتنه رێككه‌وتن
پەرلەمانتارێكى پارتی لە پەرلەمانی عێراق رایگەیاند، شاندی هەرێم و لایەنە شیعەکان لەسەر پشکی هەرێم لە بودجەی عێراق گەیشتنە رێککەوتن.
شێروان دووبەردانی ، رايگەیاند، لایەنە شیعەکان و شاندی هەرێم لەسەر دەقێکی نوێ کە لەبەرەژەوەندی هەرێمی کوردستان و عێراق بە گشتییە رێککەوتوون.
ئه‌و په‌رله‌مانتاره‌ى فراكسيۆنى پارتىبە کوردستان24 راشیگەیاند، بڕیار دراوە دەنگ لەسەر ئەو دەقە لە پەرلەمان بدرێت و تەواوی لایەنە کوردستانییەکان هاڕوابوون لەگەڵی.
هەر لەو بارەوە بەشیر حەداد، جێگری سەرۆکی پەرلەمانی عێرق بە کوردستان24ـی راگەیاند، رێککەوتنەکە کراوە و هەنگاوێکی سەخت نراوە، دواتر دەبێت لیژنەی دارایی دەنگ لەسەر دەقەکە بدات، پاشان دەچێتە پەرلەمان و دەنگی کۆتایی لەسەر دەدرێت.
کۆبوونەوەی لایەنە شیعەکان و شاندی هه‌رێم کۆتایی هاتووە، بەڵام تاوەکو ئێستا بە فەرمی هەردوولا ناوەڕۆکی کۆبوونەوەکەیان ئاشکرا نەکردووە.
