هاوپه‌یمانی سائیرون: سبه‌ی له په‌رله‌مان ناهێینه ده‌ره‌وه، تا پڕۆژه‌یاسای بودجه په‌سه‌ند نه‌كرێت
دوای ئه‌وه‌ی لێژنه‌ی دارایی رێككه‌وت له باره‌ی په‌سه‌ند كردنی بودجه‌ی 2021ی عێراق، به تایبه‌ت له باره‌ی پشكی كورد له ئێستادا كێشه‌ی ناوخۆی ماڵی شیعی به‌ربه‌ستی له‌به‌رده‌م په‌سه‌ندكردنی بودجه، په‌رله‌مانتارانی سائیرونیش رایده‌گه‌یێن”سبه‌ی له په‌رله‌مان ناهێینه ده‌ره‌وه، تا پڕۆژه‌یاسای بودجه په‌سه‌ند نه‌كرێت”.
ئه‌حمه‌د كینانی، په‌رله‌مانتاری فراكسیۆنی فه‌تح، رایگه‌یاندووه، هه‌وڵه‌كان چڕكراوه‌ته‌وه بۆ ئه‌وه‌ی سبه‌ی ئه‌نجومه‌نی نوێنه‌ران كۆببێته‌وه و ده‌نگ له‌سه‌ر پڕۆژه یاسای بودجه‌ی ساڵی 2021ی عێراق بدرێت.
له لایه‌كی دیكه سه‌ره‌ڕای پێداگیری سائیرون له‌سه‌ر تێپه‌ڕاندنی بودجه، په‌رله‌مانتارێكی ئه‌و فراكسیۆنه رایگه‌یاندووه كه كه ده‌بێت به‌هه‌رشێوه‌یه‌ك بێت له دانیشتنی سبه‌ی ئه‌نجومه‌نی نوێنه‌ران پڕۆژه‌یاسای بودجه تێپه‌ڕێندرێت.ده‌شڵێن ئه‌وان سبه‌ی ده‌چنه هۆڵی په‌رله‌مان و هۆڵی دانیشتنه‌كه جێناهێڵن، تا پرۆژه‌یاسای بودجه په‌سه‌ند نه‌كرێت.
