مه‌سرور بارزانى، به‌بۆنه‌ى جه‌ژنى قيامه بۆ خوشک و برایانی کریستیان : هیواخوازم ،خوای مەزن، نزا و ڕۆژووییان قبوڵ بکا و ڕۆژانی جەژنیش بە شادی و ئارامی بە سەرببەن.
سەرۆکی حکومەتی هەرێمی کوردستان بەبۆنەی جەژنی قیامە پەیامێكی پیرۆزبایی راگه‌ياندوو تێدا هاتووه : گەرمترین پیرۆزبایی لە خوشک و برایانی کریستیان لە هەرێمی کوردستان و عێراق و جیهان دەکەم ، هیواخوازم ،خوای مەزن، نزا و ڕۆژووییان قبوڵ بکا و ڕۆژانی جەژنیش بە شادی و ئارامی بە سەرببەن.
ده‌قى په‌يامى سه‌رۆكى حکومەتی هەرێمی کوردستان بەبۆنەی جەژنی قیامە:.
بە بۆنەی جەژنی قیامەی حەزرەتی مەسیح (سڵاوی خوای لێ بێت)، گەرمترین پیرۆزبایی لە خوشک و برایانی کریستیان لە هەرێمی کوردستان و عێراق و جیهان دەکەم.
هیواخوازم ،خوای مەزن، نزا و ڕۆژووییان قبوڵ بکا و ڕۆژانی جەژنیش بە شادی و ئارامی بە سەرببەن.
لەم بۆنە پیرۆزەدا، جەخت لە پەرەپێدان و بەهێزترکردنی کولتووری بەیەکەوەژیانی ئایینی و لێبوردەیی کە سیمایەکی جوان و گرنگیی هەرێمی کوردستانە دەکەینەوە، خوازیارم گیانی بەیەکەوەژیان و تەبایی و برایەتی لە نێو تەواوی گەلان و شوێنکەوتووانی ئایینە جیاوازەکان، زیاتر گەشە بسەنێت و مرۆڤایەتی پێ بنێتە قۆناغێک ، کە دوور بێت لە هەموو توندڕەوی و نەهامەتییەک.
مەسرور بارزانی
سەرۆکی حکومەتی هەرێمی کوردستان
