د. محه‌مه‌د خورشید: دژی هه‌ر دەستوەردان و گۆڕانکاریی نێو ئەنجومەنی پارێزگای کەرکووکین
دوای ئه‌وه‌ی به هۆی خیانه‌تی یه‌كێتی له 16ـی ئۆكتۆبه‌ری 2017 كه‌ركووك كه‌وته ده‌ستی سوپای پاسداران و میلیشاكانی حه‌شدی شه‌عبی له‌و كاته‌وه پارێزگاری شه‌رعی كه‌ركووك له سه‌ر كار لادراو، پارێزگایه‌ك به‌سه‌ر شاره‌كه‌دا سه‌پێندرا له‌و كاته‌وه تا ئێستا ده‌یان پۆستی به‌ڕێوه‌به‌رایه‌تیه‌كان له كورد سه‌ندراوته‌وه و دراون به عه‌ره‌ب و توركمان، به‌رپرسی لقی سێی پارتیش له كه‌ركووك رایگه‌یاندووه له به‌رژه‌وه‌ندی پێكهاته‌یه‌كی دیاریكراو ده‌ستوه‌ردان ده‌كرێت.
د. محەمەد خورشید، بەرپرسی لقی سێی پارتی لە کەرکووک، بە ماڵپەڕی فەرمیی پارتی ڕاگەیاند: “ئێمە دژی دەستوەردان و گۆڕانکاریی نێو ئەنجومەنی پارێزگای کەرکووکین، چونکە دابەشکردنی ئەو پۆستانەی نێو ئەنجومەنەکە بۆ بەرژەوەندیی پێکهاتەیەکی دیاریکراوە.”
له به‌شێكی دیكه‌ی قسه‌كانیدا بەرپرسی لقی سێی پارتی لە کەرکووک رایگه‌یاندووه: ” پارێزگاری بەزۆرسەپێندراوی کەرکووک هاتووە بۆ هەر پێکهاتەیەک 32٪ی داناوە، ئەوەش پێچەوانەی پشکی هەر لیستێکە چونكه لیستی برایەتی 26 کۆرسی و تورکمان 9 کۆرسی و عەرەب 6 کۆرسیی هەیە.”
هه‌روه‌ها ئه‌و به‌رپرسه‌ی پارتی راشیگه‌یاندووه كه له داهاتوودا ئه‌گه‌ر هه‌ڵبژاردن بكرێت بۆ ئه‌نجومه‌نی پارێزگاكان، ئه‌وا ئه‌و پۆستانه‌ی ئه‌مڕۆ له كار خراو، لە داهاتوودا کاریان پێ دەکرێت.
