فەرماندەی فەیلەقی قودسی پاسدارانی ئێرانی له بەغدايه
ئيسماعيل قائانى، فەرماندەی فەیلەقی قودسی سوپای پاسدارانی كۆماری ئیسلامی ئێران به‌سه‌ردانێك گەیشتووەتە بەغدا.
سەرچاوە ئەمنییەكانی عێراقی ئەمڕۆ سێشەممە، به كه‌ناڵه میدیاییه‌كانیان راگەیاندووە: “ئیسماعیل قائانی،فه‌رمانده‌ی فەیلەقی قودس، لە دوێنێوە گەیشتووەتە بەغدای پایتەخت و ژمارەیەك كۆبوونەوەی لەگەڵ سەركردەكانی گروپە چەكدارەكان ئەنجامداوە.
ئه‌و سه‌رچاوه‌ئه‌منيانه ئه‌وه‌شيان ئاشكرا كردووه كه كۆبوونه‌وه‌كانى قائانى ، بۆ گفتوگۆكردن بووه لەسەر گەڕی دانوستانی ستراتیجی چاوەڕوانكراو لەنێوان عێراق و ویلایەتە یەكگرتووەكان، كە بڕیارە چوارشەممەی داھاتوو ئەنجامبدرێت “.
