مهسرور بارزانی: هیوادارین کۆمکاری عەرەبی رۆڵی خۆی لە چارەسەرکردنی کێشەکانی عێراق بگێڕێت
![](https://xwakurk.com/wp-content/uploads/2021/04/٢٠٢١٠٤١١_١٢٢٠٥٥.jpg)
ئەمڕۆ یەکشەممە، مەسرور بارزانی سەرۆکی حکومەتی هەرێمی کوردستان پێشوازی لە ئەحمەد ئەبولغەیت ئەمینداری گشتیی کۆمکاری وڵاتانی عەرەبی کرد.
لە دیدارەکەدا بارودۆخی عێراق و پەیوەندییەکانی نێوان هەرێمی کوردستان و وڵاتانی عەرەبی تاوتوێ کرا.
ئەمینداری گشتیی کۆمکاری وڵاتانی عەرەبی، ستایشی ڕۆڵ و پێگەی گرنگی هەرێمی کوردستانی کرد کە پێشکەوتنێکی ئابووریی دیاری بەدەستهێناوە و ئاماژەی بەوەدا، سەردانەکەی بۆ هەرێمی کوردستان، پەیامێکە بۆ وڵاتانی عەرەبی کە پێوستە پەیوەندییەکانیان لەگەڵ هەرێمی کوردستان لە چوارچێوەی عێراقی فیدراڵدا، پەرە پێ بدەن، بەتایبەتیش لە بواری ئاڵوگۆڕی بازرگانی و وەبەرهێناندا.
سەرۆکی حکومەت سوپاسی پشتیوانیی ئەمینداری گشتیی کۆمکاری وڵاتانی عەرەبی کرد و هیوای خواست، کۆمکاری عەرەبی، ڕۆڵی گرنگی خۆی بگێڕێت لە چارەسەرکردنی کێشە کەڵەکەبووەکانی عێراق. جەختیشی لەوە کردەوە کە هەرێمی کوردستان، خوازیارە باشترین پەیوەندی لەگەڵ وڵاتانی عەرەبیدا هەبێت.
![](https://www.basnews.com/media/k2/galleries/681286/WhatsApp_Image_2021-04-11_at_11.59.47_1.jpeg)
![](https://www.basnews.com/media/k2/galleries/681286/WhatsApp_Image_2021-04-11_at_11.59.47_3.jpeg)
![](https://www.basnews.com/media/k2/galleries/681286/WhatsApp_Image_2021-04-11_at_11.59.47_2.jpeg)
![](https://www.basnews.com/media/k2/galleries/681286/WhatsApp_Image_2021-04-11_at_11.59.47_4.jpeg)