به‌به‌ڵگه‌ : كور و برازاكانى “مه‌حموود سه‌نگاوى” نوسراو به‌پاره‌ بۆ خه‌ڵك ده‌كه‌ن.

له‌به‌رامبه‌ر بڕه‌ پاره‌يه‌كى زۆر به‌ناوى به‌تاليۆنى تايبه‌تى سه‌ر به‌ ميحوه‌رى يه‌كى خانه‌قينه‌وه‌ كور و برازاكانى (مه‌حموود سه‌نگاوى ) نوسراو بۆ خه‌ڵكى ده‌كه‌ن .

به‌پێ ى نووسراوێك كه‌ وێنه‌يه‌كى له‌ تۆڕه‌كۆمه‌لايه‌تييه‌كان به‌ڵاوبۆته‌وه‌ تێدا ئه‌وه‌ ئاشكرابووه‌ كه‌ كور وبرازاكانى مه‌حموود سه‌نگاوى نووسراو به‌ناوى به‌تاليۆنى تايبه‌تى ميحوه‌رى يه‌كى خانه‌قين تايبه‌ت به‌ رێگه‌پێدان بۆ ئۆتۆمبێلى بێ تابلۆ و جام ڕه‌ش ده‌كه‌ن و داوا له‌ بازگه‌ و لايه‌نه‌ په‌يوه‌نديداره‌كان ده‌كه‌ن كه‌ كێشه‌يان بۆ دروست نه‌كه‌ن.

به‌پێ ى زانيارييه‌كان كه‌ سه‌رچاوه‌يه‌كى ئاگادار به‌ڵاوى كردۆته‌وه‌ له‌سه‌ر ئه‌و پرسه‌ ده‌لێ :” له‌به‌رامبه‌ر دروست كردنى ته‌نها نوسراوێكى وا دا بڕى 1000$ له‌لايه‌ن كور و برازاكانى مه‌حموود سه‌نگاوى له‌ و كه‌سانه‌ وه‌رده‌گيرێن كه‌ نوسراوه‌كه‌يان بۆ ده‌كرێت.