سەرۆك بارزانی بۆ ئیسماعیل بێشكچی : پرسە و سەرەخۆشیی خۆم ئاراستەی ئێوە و خانەوادە بەڕێزەكەتان دەكەم و خۆم بە هاوبەشی خەمتان دەزانم.
سه‌رۆك بارزانى بۆ كۆچى دواى هاوسه‌رى بیرمەند و دۆستی گەلی كورد پڕۆفیسۆر ئیسماعیل بێشكچی په‌يامێكى سه‌ره‌خۆشيى به‌ڵاو كرده‌وه و ده‌لێ :”پرسە و سەرەخۆشیی خۆم ئاراستەی ئێوە و خانەوادە بەڕێزەكەتان دەكەم و خۆم بە هاوبەشی خەمتان دەزانم.
ده‌قى پەیامی سەرەخۆشیی سەرۆك بارزانی بۆ ئیسماعیل بێشكچی:.
بەناوی خودای بەخشندە و میهرەبان
بۆ بیرمەند و دۆستی قەدرگرانی گەلی كورد پڕۆفیسۆر ئیسماعیل بێشكچی
بەداخێكی زۆرەوە هەواڵی كۆچی دوایی هاوسەری بەڕێزتان خاتوو(لیمان بێشكچی)ـیمان پێ گەییشت. پرسە و سەرەخۆشیی خۆم ئاراستەی ئێوە و خانەوادە بەڕێزەكەتان دەكەم و خۆم بە هاوبەشی خەمتان دەزانم.
لە خودای گەورە داواكارم ڕۆحی هاوسەری خواڵێخۆشبووتان بباتە بە ڕەحمەتی خۆی و سەبر و ئارامی بە هەموو لایەك ببەخشێت.
انا للە و انا الیە راجعون
مسعود بارزانی
١٣ـی نیسانی ٢٠٢١
