كۆشكی ئیلیزێ: سێشه‌مه له پێشوازی سه‌رۆكی هه‌رێم ده‌بین
خواكوڕك
کۆشکی سەرۆکایەتیی فەرەنسا كه به كۆشكی ئیلیزیش ناسراوه رایده‌گه‌ینێت، سێشه‌مه‌ی داهاتوو فرانسوا ئۆلاند سەرۆکی فەرەنسا لە کۆشکی سەرۆکایەتی وڵاتەکەی پێشوازی لە مه‌سعود بارزانى، سه‌رۆكى هه‌رێمى كوردستان ده‌كات.
به‌پێی هه‌واڵێكی مالپه‌ڕی فه‌رمی كۆشكی سه‌رۆكایه‌تی فه‌ره‌نسا، رۆژی 21/2/2017 مه‌سعود بارزانی سه‌رۆكی هه‌رێمی كوردستان سه‌ردانی ئه‌و وڵاته ده‌كات و له‌گه‌ڵ فرانسوا ئۆلاند سه‌رۆكی فه‌ره‌نسا كۆده‌بێته‌وه.
ئه‌م سه‌ردانه‌ی بارزانی دوای ئه‌وه دێت كه ماوه‌ی سێ رۆژه بارزانی به یاوه‌ری شاندێكی سیاسی و سه‌ربازی بۆ به‌شداری كردن له كۆنفرانسی ئاسایشی میونشن له وڵاتی ئه‌ڵمانیایه.
