ل ئاکرێ و بەردەڕەش ب کوژمێ 11 ملیار دیناران هژماره‌ك پروژە دێ هێنە دروست کرن
ئه‌ڤرو پێنج شه‌مبى د.علی ته‌ته‌ر پارێزگارێ دهۆكێ ب مەرەما دوڤچونا پرۆژێن خزمه‌تگوزاری و زانینا پێدڤیێن خه‌لكێ ده‌ڤه‌رێ سه‌را ده‌ڤه‌رداریا ئاكرێ وبەردەڕەش دا، بریارە ب کوژمێ 11 ملیار دیناران چەند پروژە بهێنە دروستکرن له هه‌ردوو قه‌زايان.
ل به‌يانيا ئه‌مرۆ پێنجشه‌مبى تاوه‌ك نيڤرۆ پارێزگارێ دهۆكێ كومبونه‌ك ل گه‌ل ده‌ڤه‌ردار و ناوچه‌داری و رێڤه‌به‌رێن فه‌رمانگه‌هێن میری ل هەردوو دەڤەران ئه‌نجام دا و دیاركر كو سه‌روكێ حوكمه‌تا هه‌رێما كوردستانێ مەسرور بارزانی رازیبونا خوە دیاركریه كو هژماره‌كا پرۆژێن فه‌ر و پێدڤی وه‌كو رێك وپرا وئاڤێ و ته‌ندورستی و په‌روه‌رده‌یی و كاره‌بێ …هتد ب بهایێ 11 ملیار دیناران وه‌كو قوناغا ئێكێ ل سنورێ ده‌ڤه‌رداریا ئاكرێ و بەردەڕەش بهێنه ئه‌نجامدان .
پارێزگارێ دهۆكێ گوت، ل هه‌فتیا بهێت ئه‌و پرۆژه دێ هێنه راگه‌هاندن و بۆ قوناغێن دوڤدا ژی هژماره‌كا دی یا پرۆژێن فه‌ر و گرێدای ژیانا رۆژانه یا خه‌لكێ ده‌ڤه‌رێ ڤه دێ هێنه ده‌ست نیشانكرن پاش دێ هێنه بجهئینان كو هه‌موو پرۆژه ب یه‌كسانی دێ ل سه‌ر هه‌موو ده‌ڤه‌داریا هێنه ئه‌نجامدان.
پارێزگارێ دهۆکێ دیارکر ژی کو هه‌فتیا بهێت هژماره‌كا وان پرۆژان دێ بنه ته‌نده‌ر و هێنه راگه‌هاندن و ل قوناغا دووێ پتر پرۆژه دێ هێنه راگه‌هاندن وهنده‌ك پرۆژێن نیڤ تومام وه‌كو چێكرنا رێكا گوندێن ده‌ڤه‌را نه‌هلێ دێ هێنه چێكرن .
د.عه‌لى ته‌ته‌ر گوت ژی، ل رۆژێن بهێت كومبون ودان وستاندن دناڤبه‌را ده‌ڤه‌ردار ورێڤه‌به‌رێن فه‌رمانگه‌هێن په‌یوه‌ندیدار دێ هێنه كرن وپرۆژێن فه‌ر بو قوناغا دووێ دێ هێنه ده‌ستنیشانكرن پاش بهێنه راگه‌هاندن،
پارێزگارێ دهۆكى زێده‌تر گوت :” سه‌ره‌رایی قه‌یرانا دارایی هه‌ى، بەلێ سه‌روكێ حوكمه‌تا هه‌رێما كوردستانێ نه‌هێلایه پرۆژێن خزمه‌تگوزاری بهێنه راوستاندن و به‌رده‌وامی دایه چێكرنا وان پرۆژان و ل هه‌فتیێن بهێت پرۆژه ل ده‌ڤه‌رداریێن دهۆك وسێمێل وجهێن دی ژی دێ هێنه راگه‌هاندن.
