وەزیری دەرەوەی ئێران : سەردانی هەرێمی کوردستان و عێراق دەکات
بڕیارە محەمەد جەواد زەریف وەزیری دەرەوەی ئێران، سەردانی عێراق و هەرێمی كوردستان بكات و لەگەڵ بەرپرسانی باڵای عێراق و هەرێمی كوردستان كۆ ببێتەوە.
سەعید خەتیبزادە گوتەبێژی وەزارەتی دەرەوەی ئێران، ئاشکرای کرد بەمەبەستی تاووتوێکردنی دۆخی ناوچەکە بڕیارە رۆژی یەکشەممە 25ی نیسان/ ئه‌پریلی 2021، محەمەد جەواد زەریف وەزیری دەرەوەی ئێران سەردانی عێراق بکات.
سەرچاوەكانی ئێران باسیان لەوە نەكردووە زەریف لەو سەردانەیدا بۆ عێراق سەردانی هەولێریش دەكات یان نا، بەڵام سەرچاوەیەكی نزیك لە حكوومەتی هەرێمی كوردستان گوتوویەتی، زەریف سەردانی هەولێریش دەكات.
