ویستیان ئەردۆگان بكوژن
خواكوڕك
ئاژانسەکان بڵاویان کردەوە کە دادگای سەربازی تورکیا چل سەربازی ئەو وڵاتەی بە سزای زیندانی هەتاهەتایی سزادا،ئەوەش دوای ئەوەی کە لە کاتی کودەتاکەی تورکیا هەوڵی کوشتنی سەرۆکی تورکیایان داوە”.
دەزگا هەواڵگریەکانی تورکیا دوای چاودێری کردن و کۆکردنەوەی زانیاری توانیان بگەنە ئەو ڕاستیەی کە ئەو ژمارە سەربازەی سوپای تورکیا هەوڵیان داوە لە کاتی بەرپابونی کودەتا شکستخواردوەکەی تورکیا ئەردۆگان تیرۆر بکەن،
هاوکات ئەو سەربازانە دوای دادگایی کردنیان تۆمەتەکەیان بەسەردا ساغ بۆتەوەو دواتر لە ژێر چاودێری توندی ئەمنیدا بەرەو زیندان براون.
کودەتا شکست خواردووەکەی تورکیا هەوڵێکی سەربازی کۆمەڵێک جەنڕاڵ و پلەداری سەربازی بوو بۆ سەندنەوەی دەسەڵات لە پارتی دادوگەشەپێدان و گرتن یان کوشتنی ڕەجەب تەییب ئاردۆگان.
