په‌رله‌مانى عێراق لیژنه‌یه‌كی بۆ لێكۆڵینه‌وه‌ له‌ سووتانی ئیبن خه‌تیب پێكهێنا له‌لايه‌ن د.به‌شير حه‌داد چاودێرى ده‌كرێ

ئه‌نجوومه‌نی نوێنه‌رانی عێراق، لیژنه‌یه‌كی لێكۆڵینه‌وه‌ی بۆ رووداوی سووتانی نه‌خۆشخانه‌ی ئیبن خه‌تیبى به‌غدا پێكهێنا و له‌لايه‌ن د.به‌شير حه‌داد چاودێرى ده‌كرێ  .

له‌ به‌یاننامه‌یه‌كدا ئه‌مڕۆ یه‌كشه‌ممه‌ سه‌رۆكایه‌تی ئه‌نجوومه‌نی نوێنه‌رانى عێراق رایگه‌یاند، لیژنه‌ی ته‌ندرووستی و ژینگه‌ بۆ تاوتوێكردنی ئه‌و پرسه‌ كۆبوونه‌ته‌وه‌ و بڕیار دراوه‌ لیژنه‌یه‌كی لێكۆڵینه‌وه‌ سه‌ردانی شوێنی رووداوه‌كه‌ بكات و له‌ هۆكاری ئه‌و رووداوه‌ بكۆڵێته‌وه‌.

هاوكات برياروايه‌ بڕیاره‌ سبه‌ی دووشه‌ممه‌ ئه‌نجوومه‌نی نوێنه‌رانى عێراق له‌ كۆبوونه‌وه‌یه‌كی نائاساییدا پرسی سووتانی ئه‌و نه‌خۆشخانه‌یه‌ تاوتوێ بكه‌ن.

هه‌روه‌ها سه‌رچاوه‌يه‌كيش بۆ سۆمه‌رييه‌ نيوزى رايگه‌ياندووه‌ :”دواى كۆبوونه‌وه‌ى مسته‌فا كازمى، سه‌رۆكوه‌زيرانى عێراق و، محه‌ممه‌د حه‌لبووسى، سه‌رۆكى ئه‌نجوومه‌نى نوێنه‌رانى عێراق بڕياردراوه‌ له‌لايه‌ن د.به‌شير حه‌داد جێگرى سه‌رۆكى ئه‌نجوومه‌نى نوێنه‌رانى عێراق  ليژنه‌پێكهاتووه‌كه‌ى په‌رله‌مان چاودێرى بكرێت كه‌ بۆ رووداوه‌كه‌ پێكهێنراوه‌.