وه‌زاره‌تی ئه‌وقاف رێنمایی نوێ ده‌رده‌كات و شه‌وی قه‌دريش ده‌رگای مزگه‌وته‌كان به پێى رێكارى خۆپارێزى ده‌كرێنه‌وه
وه‌زاره‌تی ئه‌وقاف و كاروباری ئايينى حكومه‌تی هه‌رێمی كوردستان له به‌یاننامه‌یه‌كدا ده‌لێ ، ئاماژە بە بەيانى ژمارە (17)ی ساڵی (2021)ی لێژنەى باڵاى بەرنگاربوونەوەى ڤايرۆسى كۆرۆنا، لەپێناو پاراستنی تەندروستی و گیانی نوێژخوێنان بۆ شەوی قەدری پیرۆز بڕيارماندا ده‌رگای مزگه‌وته‌كان له كاتژمێر (12)ی شه‌وه‌وه ده‌كرێنه‌وه، به‌ڵام به‌پێی رێكاری خۆپارێزی و رێنمایی تایبه‌ت، ده‌شلێ : بەڕێوەبەرایەتی گشتی ئەوقافی پارێزگاکان و ئەوقافی قەزاکان بەدواداچوونی بەردەوام بۆ جێبەجێکردنی رێنمیایەکان دەکەن.
ده‌قی به‌یاننامه‌كه‌ی وه‌زاره‌تی ئه‌وقاف و كاروباری ئایینی:
مامۆستایانی ئایینی بەڕێز و نوێژخوێنانی خۆشەویست
ئاماژە بە بەيانى ژمارە (17)ی ساڵی (2021)ی لێژنەى باڵاى بەرنگاربوونەوەى ڤايرۆسى كۆرۆنا، لەپێناو پاراستنی تەندروستی و گیانی نوێژخوێنان بۆ شەوی قەدری پیرۆز بڕيارماندا بە دەرچوواندنى ئەم رێنماییانە.
یەکەم: شەوی قەدری پیرۆز لەکاتژمێر (12)ی شەو تاکو ئەنجامدانی نوێژی بەیانی مزگەوتەکان کراوە دەبن.
دووەم: مەرجە ھەموو کەسێک لەناو مزگەوت ده‌مامك ببەستێت.
سێیەم: دەستنوێژ لەماڵەوە ئەنجام دەدرێت، نوێژخوێنان بەرماڵی تایبەت لەگەڵ خۆیان دەھێنن و دووری نێوانيان رەچاو بکرێت لە مەتر و نيوێك تا دوو مەتر بێت.
چوارەم: خواردن و خواردنەوە پێشکەش ناکرێت.
پێنجەم: پاراستنی پاک و خاوێنی ناو مزگەوت بەگشتی ره‌چاو بكرێت.
شەشەم: لەکاتی بوونى سەرپێچی، دەسەڵات دەدرێتە ئەوقافەکان بۆ جێبەجێكردنی رێكارەكانی كارگێری و ياسايی بەرامبەر سەرپێچيكاران.
حەوتەم: بەڕێوەبەرایەتی گشتی ئەوقافی پارێزگاکان و ئەوقافی قەزاکان بەدواداچوونی بەردەوام بۆ جێبەجێکردنی رێنمیایەکان دەکەن.
ھەشتەم: دەزگاکانی راگەیاندن دوای (رێپێدانی ئەوقافی پارێزگا) دەتوانن رووماڵی شەوی قەدر لەمزگەوتەکان بکەن.
نۆيەم: ئەم رێنماییانە لەشەوی قەدری پیرۆز لەلايەن مامۆستای ئایینی مزگەوت و نوێژخوێنان وەک خۆی جێبەجێ دەکرێن.
وەزارەتى ئەوقاف و كاروبارى ئايينى
30\ 4\ 2021
