دهۆك : هاتنوچوونا رۆژێن جه‌ژنێ ئاسایى بوو
ژوورا ئۆپه‌راسیونا به‌رهنگاربوونا په‌تایا كۆرونایێ ل پارێزگه‌ها دهۆكێ ئاگه‌هداریه‌ك به‌لاڤ كر كۆ هاتن وچوون ل رۆژێن جەژنێ دگەل بەرچاڤگرتنا ڕێنماییێن خۆپارێزیێ ژ نەساخیا کۆرۆنایێ دێ ئاسایی بیت.
ژوورا ئۆپه‌راسیونا به‌رهنگاربوونا په‌تایا كۆرونایێ ل پارێزگه‌ها دهۆكێ به‌ياننامه‌يه‌ك به‌لاڤ كر كۆ دانه‌یه‌ك ده‌ستێ ده‌زگاى ميديايى (خواكوڕك) كه‌تيه تێدا رادگه‌هينيت:” ل دویڤ بەیانا وەزارەتا ناڤخۆ ۷ی گولانا ۲٠۲۱ بۆ رۆژێن جەژنا رەمەزانا پیرۆز، دگەل بەرچاڤگرتنا هەموو ڕێکارێن تەندروستیێ و هوشداریدان ژ هەلکێشان و زێدەبوونا هژمارا نەخوشێن کۆرۆنایێ و داخوازکرن ژ هاولاتیێن خوشتڤی کو خۆ ژ سەردان و چوونا مالا ب مەرەما جەژن و هەر مەرەمەکا دیتر و جهێن قەرەبالغ و چێکرنا قەرەبالغێ بدەنە پاش، ڤان بریارێن خوارێ ڕادگەهینین كۆ هاتن ووچوون ل رۆژێن جەژنێ دگەل بەرچاڤگرتنا ڕێنماییێن خۆپارێزیێ ژ نەساخیا کۆرۆنایێ دێ ئاسایی بیت، و هەرجورە خڕڤەبوون و قەرەبالغی ل جهێن گشتی و گەشتیاری قەدەغەیە و نڤێژا جەژنێ دێ هێتەکرن ب هەمان ڕێنمایێن پێشتر کۆ ل مزگەفتا دهاتنە پەیرەوکرن، ”
دراگه‌هاندنا ژوورا ئۆپه‌راسیونا دهۆكێ دا زێده‌تر هاتیه:” داخوازێ ژ ماموستایێن ئایینی دکەین هەر وەکو بەرێ ڕێنمایێن پێدڤی ل نڤێژا جەژنێ پەیرەو بکەن و نڤێژکەرا ژ مەترسیا کۆرۆنایێ ئاگەهدار بکەنەڤە و چوونا دەستا ل مزگەفتێ قەدەغە بکەن”.
دیسان ئه‌و چه‌نده ژى دیاركریه:”هاتن ووچوونا دناڤبەرا پارێزگەهێن هەرێمێ دگەل پارێزگەهێن عێراقێ لدویڤ بەیانا ژمارە (۱٥) یا سالا ۲٠۲۱ هەروەکو خۆ دێ قەدەغە بیت، بتنێ بۆ ئەو حالەتێن کو د بەیانێدا هاتی دێ ڕێ هێتەدان و هەموو ئەو بریارێن دیتر کو د بەیانێن پێشتردا بۆ پاراستن و سەلامەتیا هاولاتییێن خوشتڤی هاتیەدان دێ وەکو خۆ مینن،
ل دوماهيكێ راگه‌هاندنا ژوورا ئۆپه‌راسیونا دهۆكێ دبێژيت :”هیڤیدارین ب جێبەجێکرنا ڕێنماییێن ساخلەمیێ خۆ ژ جهێن قەرەبالغ بدەنە پاش و روژێن جەژنێ خۆش ببەنە سەر و خۆدێ مەزن روژی و نڤێژێن وە قەبول بکەت”.
