سەرۆك بارزانی پێشوازی لە پارێزگاری دیوانیە دەكات
![](https://xwakurk.com/wp-content/uploads/2021/05/سهرۆك-بارزانى.jpg)
پێشنیوەڕۆی ڕۆژی پێنجشەممە ٢٠ـی ئایار ٢٠٢١ لە سەلاحەددین سەرۆك مەسعود بارزانی پێشوازی لە زهێر ئەلشەعلان پارێزگاری دیوانیە كرد.
لە دیدارەكەدا بارودۆخی سیاسیی عێراق و ڕەوشی ژیانی خەڵك لە پارێزگای دیوانیە و پارێزگاكانی تری عێراق تاوتوێ كرا و جەختیش لەسەر پەیوەندییە مێژووییەكانی نێوان گەلی كوردستان و دانیشتوانی پارێزگاكانی باشووری عێراق كرایەوە.
هەر لەو دیدارەدا پارێزگاری دیوانیە پێزانینی هەبوو بۆ بووژانەوە و پێشكەوتنەكانی هەرێمی كوردستان و خوازیاری ئەوە بوو كە پارێزگای دیوانیە سوود لە ئەزموونەكانی هەرێمی كوردستان وەربگرێت.
![](https://xwakurk.com/wp-content/uploads/2021/05/188193482_852771938650405_1973223179042530815_n.jpg)
![](https://xwakurk.com/wp-content/uploads/2021/05/187662392_852774478650151_7906015664213202599_n-1024x566.jpg)