سەرۆكی حكوومەتی كوردستان بەردی بناغەی پڕۆژەی بە بازاڕكردنی گەنمی جووتیاران لە سلێمانی دادەنێت
![](https://xwakurk.com/wp-content/uploads/2020/10/مهسرور-بارزانی-رۆڤیا.jpg)
مەسرور بارزانی، سەرۆکی حکومەتی هەرێمی کوردستان بەردی بناغەی پڕۆژەی بە بازاڕکردنی گەنمی جووتیاران لە پارێزگای سلێمانی دادەنێت.
کاتژمێر 12ـی نیوەڕۆی ئەمڕۆ یەکشەممە 23-5-2021، مەسرور بارزانی، سەرۆکی حکوومەتی هەرێمی کوردستان بە ئامادەبوونی قوباد تاڵەبانی، جێگری سەرۆکی حکوومەت، بەردی بناغەی سایلۆی سلێمانی و پڕۆژەی بە بازاڕکردنی گەنمی جووتیاران لە پارێزگای سلێمانی، دادەنێت.
پڕۆژەکە بریتییە لە دروستکردنی سایلۆیەکی مۆدێرن و عەمبارکردن و بەرھەمھێنانی خۆراک و بە بازاڕکردنی گەنم و دانەوێڵە و دروستکردنی بەرهەمە خۆراکییەکان بە تازەترین تەکنەلۆجیا و بە گوێرەی ستانداردە جیهانییەکان. پڕۆژەکە بە بڕی زیاتر لە 122 ملیۆن دۆلار جێبەجێ دەکرێت.