مووچەی هەموو ئەو زیندانیانە سیاسیی خەرج دەکرێن کە مووچەیەکی دیکەیان نییە
وەزارەتی کاروباری شەهیدان و ئەنفالکراوانی حکومەتی هەرێمی کوردستان، لە وەڵامی نووسراوی پەرلەمانتارێک ئاشکرای دەکات، لەم مانگەوە مووچەی هەموو ئەو زیندانیانە سیاسیی هەژمار دەکرێت کە ھیچ مووچەیەکی دیکەیان نییە.
هێڤیدار ئەحمەد، بڕیاردەری لیژنەی دارایی پەرلەمانی كوردستان رای گەیاند : وەزارەتی شەھیدان و ئەنفالکراوان، وەڵامی پسیارێکی پەرلەمانی کوردستانیان داوەتەوە لەسەر مووچەی زیندانییانی سیاسی لە ھەرێمی کوردستان، کە بە فەرمی لە 1/5/2021ـه‌وه مووچەی ھەموو ئەو زیندانییە سیاسییانە خەرج دەکرێن کە ھیچ مووچەیەکی دیکەیان نییە.
